Shpresa Krëku, 41-vjeçarja që i dha fund jetës duke konsumuar fostoksinë, është përcjellë sot në banesën e fundit.
Fqinjët, banorë të fshatit Bilçë të Beratit kanë folur për mediat, duke thënë se ajo ishte një vajzë e mrekullueshme, por ngritën dyshime se mund të të vuajtur nga depresioni
Sipas tyre, i vetmi problem i saj ishte mungesa e bashkëshortit Çlirim Kreku, i cili jetonte në fshatin Selanik të Greqisë dhe vinte shumë rrallë e rrinte pak ditë.
“E shkëlqyer, asgjë s’i mungonte. Tani nuk e dimë, do ketë pasur ndonjë depresion se s’ka mundësi”, tha një fqinj.
“Për mua, me aq sa e kam njohur, është çun përsëmbari. Se nëse kanë patur ndonjë konflikt familjar me njëri-tjetrin, aty nuk di gjë më. Vajza ishte person dhe më erdhi keq kur e pashë në shtyllë. Sesi u erdhi terezia, nuk e di. Burri saj këtu punonte me bojëra, në Greqi nuk e di. Kishin dy fëmijë bashkë. Për mua janë familje e nderuar, të tërë si familje. Kur e dëgjova nuk e besova më”, tha një tjetër.
Jashtë kamerave disa fqinj kanë thënë se gruaja kishte shfaqur shenja depresioni pasi zihej çdo ditë në telefon me bashkëshortin, të cilit i kërkonte të kthehej në shtëpi, pranë saj dhe fëmijëve.
